Шахмат: эркаклар терма жамоамиз Бутунжаҳон олимпиадасида навбатдаги ғалабасини қўлга киритди, аёлларимиз эса...

Ҳиндистоннинг Ченнай шаҳрида бўлиб ўтаётган 44-Бутунжаҳон шахмат олимпиадасининг иккинчи куни ўз якунига етди.

Иккинчи турда ҳам Ўзбекистон эркаклар терма жамоаси яна бир ғалабага эришди! Ўзбекистон эркаклар терма жамоаси Фарер ороллари терма жамоаси устидан 4:0 ҳисобида тўлиқ ғалаба қозониб, ўз ҳисобига яна икки очко қўшиб қўйишди. Афсуски аёллар терма жамоамиз АҚШ аёллар терма жамоасига ютқазиб қўйди.

Айни вақтда эркаклар терма жамоамиз жамоаси 4 очко, аёллар терма жамоамиз эса 2 очко жамғаришган.

Биринчи турда Ўзбекистон эркаклар терма жамоаси Непал, аёллар терма жамоамиз эса Гана терма жамоаси устидан ишончли ғалабага эришган эди.

44-Бутунжаҳон шахмат олимпиадасида иштирок этадиган терма жамоамиз таркибини яна бир бор эслатиб ўтамиз:

Эркаклар:

GM Нодирбек Абдусатторов (2004-йили туғилган),

GM Нодирбек Ёқуббоев (2002),

GM Жавоҳир Синдоров (2005),

GM Жаҳонгир Воҳидов (1995),

GM Шамсиддин Воҳидов (2002)

Аёллар:

WGM Нилуфар Ёқуббоева (2000),

WFM Умида Омонова (2006),

WCM Афрўза Ҳамдамова (2009),

WFM Мафтуна Бобомуродова (2006),

Маржона Маликова (2002).

Маълумот учун, 45-Бутунжаҳон шахмат олимпиадаси 2024 йил Венгрия пойтахти Будапешт шаҳрида ўтказилади. 2026 йил ўтказиладиган 46-Бутунжаҳон шахмат олимпиадаси мезбонлиги учун Ўзбекистон ҳам даъвогарлик қилмоқда.