Шахмат. Тошкентда жаҳон чемпионати бошланди (ФОТО)

Бугун пойтахтимизда шахмат бўйича иккита нуфузли мусобақа бошланди. Соврин жамғармаси 20.000 АҚШ долларидан иборат бўлган шахматнинг рапид ва блиц йўналишлари бўйича 20 ёшгача  ўсмирлар ва қизлар ўртасида Жаҳон чемпионати ҳамда шунингдек 9 ёшдан 17 ёшгача бўлган мактаб ўқувчилари ўртасида Жаҳон чемпионати бўлиб ўтмоқда.

9,11,13,15 ва 17 ёшгача бўлган мактаб ўқувчилари ўртасидаги дунё биринчилиги  ҳамда 20 ёшгача  ўсмирлар ва қизлар ўртасида Жаҳон чемпионатида иштирокчилар 2,3,4 август кунлари рапид йўналишида шунингдек 6-7 август кунлари эса блитц йўналишида ғолиблик учун дона суришади.

Тажрибали мутахассис, FIDE минтақавий Президенти, халқаро тоифадаги ҳакам Ҳусан Ҳудойқулов 20 ёшгача  ўсмирлар ўртасидаги жаҳон чемпионатининг бош ҳаками ҳсифатида фаолият юритса, мактаб ўқувчилари ўртасида жаҳон чемпонати бош ҳакам сифатида халқаро тоифадаги хакам Томас Делега бошқариб боради.

Қайд этиш лозимки, жаҳон чемпионатида Озарбайжон, Беларус, Хитой, Испания,  Венгрия, Ҳиндистон, Эрон, Козоғистон, Қирғизистон, Мўғулистон,Нигерия,Россия,Словения,Тожикистон,Туркманистон, БАА ва АҚШ давлатларидан жами 300 нафарга яқин салоҳият эгалари ғолибик учун ўзаро баҳс олиб бормоқда.

Жаҳон чемпионатида халқаро гроссмейстерлар,халқаро усталар,спорт усталари,спорт усталигига номзод шахматчилар иштирок этмоқда.  Мазкур нуфули мусобақада юртимиз шарафини халқаро турнриларда ўз сўзларини айтиб келаётган ёшларимиздан  Мухиддин Мадаминов, Мухаммадзохид Суяров, Хумоюн Бекмуратов, Алмаз Рахматуллаев, Асроржон Омоновлар, қизлар орасида эса Афруза Хамдамова, Гулдоноа Каримова, Умида Омонова, Мафтуна Бобомуродова, Озода Шахзодова, Гулхумор Нажмиддинова, Мохизода Мухсиновалар каби кўплаб иқтидорли вакиллари ҳимоя қилмоқда.