Шахмат. Владимир Путин Дональд Трампга қарши

Халқаро шахмат федерацияси (ФИДЕ) президенти Аркадий Дворкович Россия ҳамда АҚШ президентлари Владимир Путин ва Дональд Трамп ўртасида шахмат ўйинини ташкил этиш ҳақида гапирди.

"Маълумки, президентлар халқаро сиёсат ва иқтисодиётнинг стратегик ҳамда амалий масалалари билан шуғулланади. Бироқ баъзан ўзаро шахмат ўйнашса ҳам ёмон бўлмасди. Фақат бу ўйин сиёсий таҳлил қилинмаслиги керак. Шахмат барчани бирлаштириши лозим” - дея Дворковичнинг сўзларини келтирди "Матч ТВ".

Эслатиб ўтамиз, март ойи бошида Владимир Путин ва Дональд Трамп россиялик ва америкалик хоккейчилар ўртасида баҳс ташкил этиш ғоясини илгари сурганди.