Шайхлар Бенземанинг йўлини тўсяпти

“Ал-Иттиҳод”нинг асосий юлдузи Карим Бензема Саудия Арабистони муҳитига кўника олмади ва тезроқ жамоани тарк этишни истаяпти.

Бенземага яшаш шароитидан ташқари, бу мамлакат лигасининг савияси кутилган даражада юқори эмаслиги, айрим масалаларда профессионаллик етишмаётгани ёқмаяпти.

Relevo нашрининг ёзишича, жароҳатидан тикланиш баҳонасида Францияга қайтган тажрибали ҳужумчи мақсадларини ўз дўстлари билан муҳокама қилган.

Бензема яқинда Мадрид шаҳридан ҳашаматли уй харид қилди ва Саудия Арабистонига қайтиб бориш нияти йўқлигини билдирган.

Саудия Арабистони Профессионал лигаси раҳбарияти ва “Ал-Иттиҳод” клуби хўжайинлари мамлакат имиджига путур етмаслиги учун машҳур юлдузнинг кетиши йўл қўймоқчи эмас.  

Айрим маълумотларга қараганда, лига раҳбарияти 36 ёшли ҳужумчига мамлакатнинг кучлироқ клубига ўтишни таклиф қилаётган экан.