Шевченко Украина терма жамоасининг Евро-2020 даги имкониятлари ҳақида гапирди

Хабарингиз бор кеча Евро-2020 мусобақасининг финал босқичига қуръа ташланди. Украина терма жамоаси бош мураббийи Андрей Шевченко бу борада ўз фикрларини билдириб ўтди.

Эслатиб ўтамиз, Украина терма жамоаси “C” гуруҳида Голландия ва Австрия терма жамоалари билан баҳс олиб боришади.

“Европа чемпионатига энг зўр терма жамоалар чиқишади. Шу боис бу ерда кучсиз жамоалар бўлмайди. Биз кучли гуруҳдан жой олдик ва бизни илк турда Голландияга қарши баҳс кутиб турибди.

Австрия билан ҳам осон бўлмайди. Бироқ, Украинанинг гуруҳдан чиқиши учун имконияти ёмон эмас деб ўйлайман”, - дейди украиналик мутахассис УЕФА расмий сайтига берган интервьюсида.