Шипилов "Дордой"да!

Қирғизистоннинг биринчи рақамли клуби – “Дордой” янги мавсум учун трансфер қилинган футболчиларни кенг оммага таништиряпти.

Биз учун эътиборлиси, “Дордой” жамоасига таклиф қилинган футболчилар орасида ўзбекистонлик Андрей Шипилов ҳам бор.

“Металлург” клуби собиқ устозининг ўғли фаолиятини Қирғизистон чемпионатида давом эттиришга қарор қилди. Кичик Шипилов биринчи даврани айнан “Металлург” сафида ўтказган, аммо Суперлиганинг бирорта ўйинида майдонга тушмаган ҳолда клубни тарк этганди.

“Дордой” клуби матбуот хизмати 22 ёшли ҳимоячи билан шартнома имзоланганини маълум қилди ва янги жамоасида 30-рақам остида тўп суради.