Шоҳжаҳон Эргашевнинг рақиби ўзгарди. Янги рақиб кимлиги маълум

11 декабрь куни Тошкент шаҳрида яна бир профессионал бокс оқшоми бўлиб ўтади. Унда Шоҳжаҳон Эргашев жанубий африкалик Принс Дломо билан жанг қилиши керак эди. Аммо Африка мамлакатларидан Ўзбекистонга кириш рейслари тўхтатилганлиги сабабли Дломо етиб кела олмайдиган бўлди. Шундай қилиб, ўша куни Эргашев Таиланд вакили Аэккауе Каумане (23-13, 11 КО) билан тўқнаш келади.