Шомуродов: Европадан ортга қайтсам бўларди, лекин...

Машҳур uefa.com сайти Ўзбекистон миллий терма жамоаси ва “Рома” ҳужумчиси Элдор Шомуродов ҳақида интервью шаклида катта мақола эълон қилди. Ўзбекистон мухлислар эътиборига ушбу материалнинг иккинчи қисмини ҳавола этамиз.

Биринчи қисм: 

Шомуродовнинг асосий кучи нимада?

Иккинчи қисм:

Шомуродов: Гол урмасанг, Европага йўл қайда?..

- Италия футбол Россия ва Ўзбекистонникидан нимаси билан фарқ қилади?

- Биринчи навбатда, тезликда фарқ бор. Бу ерда футбол анча тезкор. Қолаверса, бу ерда жисмоний кучга кўп таянилади. Ўйинчиларнинг маҳорати ҳам юқорироқ эканини айтиш керак.

- Янги даражада чиқиш учун нималар қилишга тўғри келди?

- Биринчи навбатда, тезликни ошириш керак эди. Нафақат ҳаракатларда, балки ўйлаш, фикрлашда ҳам. Италияга келганимда хотиржам ўйнайман, деб ўйлагандим. Лекин машғулотлардаёқ улгурмаётганимни ҳис қилдим. Ҳимоячилар ҳар доим мени ёпиб қўйишарди ва оёғимга тепки ердим ва шундан кейин қайси жиҳатлар устидан ишлаш тераклигини тушундим.

- Қайси сифатлар орқали муваффақиятга эришдингиз?

- Қийин савол. Биринчи навбатда, саб-тоқат туфайли, деб ўйлайман. Бошида қийинчиликларга дуч келганимда ўзимга бу сенинг савиянг эмас экан, деб ортга қайтиб кетсам бўларди. Лекин чидадим. Ҳаммаси изига тушишига ишонардим. Ана шу сабримга яраша ҳозир ҳаммаси жойида.

- “Рома” сингари топ клуб сиз билан шартнома туўишни истаётганини билганингиздан кейин нималарни ҳис қилдингиз?

- Менталитетни ўзгартириш кераклигини тушунаман. Ҳар бир ўйинга ғалаба илинжида тушиш керак. Бу ерда юқори мақсадлар қўйилишини билардим. Рақобат ҳам анча кучли. Ҳар бир учрашувда таркибга лойиқ эканингни исботлашинг талаб этилади.

- Ёқтирган ўйинчингиз Дидье Дрогба эканини айтдингиз. Дрогбанинг севимли мураббийи Жозе Моуриньодир. Ҳозир у “Рома”да сизга устозлик қиляпти. Бу мутахассис билан ишлаш қанақа экан?

- Биринчи кунданоқ у юқори мақсадларни қўйиши ва унга эришишга ҳаракат қилиши ойдинлашди. Тартиб-интизом ва ўйин борасида жуда талабчан. Ҳар бир учрашувда зафар қучишни истайди ва футболчилардан ҳам шунга интилишни талаб қилади.

- Моуриньо Дрогбани ўз даврининг энг зўр ҳужумчисига айлантирган. Сизга қандай ёрдам берди?

- Ҳозир бир тактика устида кўпроқ ишлаяпмиз. У ҳамма нарсани қандай тўғри бажаришни кўрсатяпти ва ҳар бир ўйинда боримизни беришни талаб қиляпти. Албатта, кўпроқ гол уришни ҳам талаб қиляпти.

- “Рома” учун гол уряпсиз, биринчи тўпни Конференциялар лигаси плей-офф бочқичида киритдингиз. Нималарни ҳис қилдингиз?

- Бу менинг “Рома” сафидаги биринчи расмий учрашувим эдим. Менимча, мени захирага олишга тайёргарлик кўришаётган эди. Гол уриб, жамоамни Конференциялар лигасининг кейинги босқичга чиқишига ҳисса қўшганимдан мамнун бўлдим.  Жуда зўр ҳиссиётлар эди.

- Бу голни бувингизга бағишлагандингиз...

- Ҳа, ўша кунлари таваллуд айёмлари эди. Шу шаклда табриклашни истагандим. Бувим мени жоим қўллаб-қувватлайди, ҳамма учрашувларни кузатиб боради. Бутун оиламиз футбол томоша қилади.

- Жорий мавсумда ўз олдингизга қандай шахсий ва жамоавий мақсадларни қўйгансиз?

- Биринчи навбатда, Чемпионлар лигасига тушиш керак. Шунингдек, Конференциялар лигасида ғолиб чиқиш мақсадимиз бор. Булар энг асосийси. Шахсий мақсадларим эса, доимо жамоа билан боғланган. Жамоага ғалаба қозониш ва совринлар ютишда ёрдамлашишни хоҳлайман. Чунки жамоанг ғолиб чиқса, сенам ютган ҳисобланасан.

Шомуродов ўйнаган учрашувдан кейин Моуриньо “заҳри”ни кимларга сочди?