Шомуродов ўйнайдиган баҳсда икки йил тўп тепмаган машҳур юлдуз майдонга тушади

Англия футболининг энг ёрқин истеъдодларидан ҳисобланган Деле Алли фаолияти чўққига кўтарилган пайтда ўзини йўқотиб қўйди.

“Тоттенхэм”даги юлдузли онларидан кейин 2022 йилнинг бошида “Эвертон”га кўчиб ўтди. Тез орада бу жамоада ҳам ишлари юримшмай, ливерпулликлар уни “Бешиктош”га жўнатиб юборди.

Туркия чемпионатидаги бир мавсумдаги кейин яна “Эвертон”га қайтган Деле Алли 2024 йили ёзда бу жамоани ҳам тўлиқ тарк этишга мажбур бўлди.

Деле Алли футболни якунлаш масаласини ўйлаб юрган пайтда “Комо”га бош мураббийлик қилаётган Сеск Фабрегас таниқли ярим ҳимоячини жамоасига олиб келди.

Энди Италия чемпионатининг 27-туридан ўрин олган “Рома”га қарши Римда бўладиган беллашувда Деле Алли 735 кунлик танаффусдан кейин яна яшил майдонга тушиши кутилмоқда.

Англиялик юлдуз охирги маротаба 2023 йилнинг 26 февраль куни “Бешиктош” сафида “Антальяспор”га қарши тўп тепган эди.

Биз учун аҳамиятлиси, “Комо”га қарши муҳим учрашувда Элдор Шомуродов бошланғич таркибда майдонга тушиб, ҳужум чизиғига бошчилик қилади.

Ушбу баҳс 2 март куни Тошкент вақти билан соат 22:00 да бошланади.