«Шомуродов трансфер бозорининг асосий қаҳрамонига айланиши мумкин»

Италиянинг "Telenord" лойиҳаси орқали эфирга узатилган "Биз Генуямиз" жонли эфирдаги кўрсатувида "Женоа" собиқ футболчиси Роберто Пруццо ўзбекистонлик ҳужумчи Элдор Шомуродов ҳақида фикр билдирди.

"Мен Шомуродовнинг "Кальяри"га қарши баҳсини томоша қилдим. Менимча, бу унинг энг яхши ўйини эмас эди. Элдорда А Серия учун керак бўлган барча хусусиятлар бор. У кейинги трансфер бозорининг асосий қаҳрамонига айланиши мумкин. Элдорда футбол афсонасига айланиш учун куч ва ўзига хослик бор", - деди Пруццо.

Эслатиб ўтамиз, ҳамюртимиз "Кальяри"га қарши ўйинни асосий таркибда бошлаб, 77-дақиқада захирага олинган эди.