Shomurodov yangi mavsumga tayyorgarlikni boshladi. Hamyurtimiz "Jenoa"da qoladi

Bir necha oy avval o‘tgan mavsum A Seriyadagi oxirgi o‘yinini o‘tkazgan "Jenoa" mana yana mashg‘ulotlarga qaytdi.

Genuyaliklar o‘z bazasida yangi mavsum taraddudini boshladi. Bosh murabbiy Davide Ballardini lavozimida qoladigan bo‘ldi. U jamoani yangi mavsumga tayyorlamoqda.

Shuningdek, hamyurtimiz Eldor Shomurodov ham kamida yarim mavsum "Jenoa" sharafini himoya qiladi. Har holda Genuya tomondagi manbalarning bildirishicha, rahbariyat shunday qarorga kelgan. Shomurodov 6 oy "Jenoa" safida to‘p tepsa uning transferi oshishi mumkin, degan qarorga kelingan.

Ayni paytda terma jamoadagi o‘yinlarini yakunlagan va faqat klub safida harakat qiladigan futbolchilar Ballardini qo‘l ostida shug‘ullanishni boshladi.