Шомуродовга тўпни олдириб қўйган Роналду ўйиндан кейин нима деди?

Шомуродов тўп сураётган “Женоа” А Сериянинг 11-турида амалдаги чемпиони “Ювентус” билан куч синашди. Италиянинг энг қадимги жамоаси ва энг қудратли клуби ўртасидаги баҳсда туринликлар 3:1 ҳисобида зафар қучди.

Ушбу учрашув меҳмонлар етакчиси Криштиану Роналдунинг “Ювентус” сафидаги 100-ўйин бўлди. Португалиялик ҳужумчи юбилей учрашувда пенальтидан иккита гол уриб жамоаси ғалабасини таъминлади.

- “Ювентус” таркибидаги 100-учрашувни дубль билан нишонлашдан яхшироқ бирон нима бўлиши мумкинми? Турин клубида шундай натижа қайд этганим билан фахрланаман. Менда “Ювентус” учун 100 та гол уриш истаги пайдо бўлди, - деб ёзади Роналду ўйиндан кейин ижтимоий тармоқлардаги саҳифасида.

Элдор Шормуродов ўйинга 73-дақиқадан қўшилди. Ўзбек футболчиси иккинчи қаватдаги курашлардаги фаоллиги, жамоадошига чиройли паси ва бир вазиятда катта тезликда ҳужумга ўтаётган Роналдуга етиб, олиб ундан тўпни олиб қўйгани билан кўзга ташланди. Ҳамюртимиз ўзини кўрсатиши учун вақт ҳам етмади.