Шота Арвеладзе: Албатта, терма жамоа ҳам тайёргарлик кўриши керак, лекин...

Хабарингиз бор, ОФК терма жамоаларнинг бу йилги расмий учрашувларини 2021 йилга қолдирди. Аммо ФИФА кунлари сақланиб қолди. Мавсумнинг катта қисми карантин туфайли ўтиб кетганини инобатга олсак, ФИФА кунларида ҳам Суперлига учрашувларининг ўтказилиши қанчалик тўғри? SPORTS.uz бу борада Суперлига клублари бош мураббийларининг фикрларини билишга қизиқди.

Шота Арвеладзе – “Пахтакор” клуби бош мураббийи:

- Мураббийлар билан келишиб тақвим тузиш ва ФИФА кунларини тўғрилаб чиқиш керак. Албатта, терма жамоа ҳам тайёргарлик кўриши керак, лекин чемпионатга ҳам тақвим бўйича ёрдам бериб, ўйин кунлари сонини кўпайтириш лозим. Бу футболчиларга жисмонан тикланиш ва бу вақтни жароҳатларсиз ўтказишга ёрдам беради.