Shota Arveladze "Paxtakor"ning mavsumdagi ilk mag‘lubiyatiga qanday munosabat bildirdi?

Kuni kecha Sports.uz muxbiri “Paxtakor”ning gruziyalik sobiq bosh murabbiyi Shota Arveladze bilan suhbat uyushtirdi.

Murabbiy bir qator savollarga javob berar ekan, jumladan “Paxtakor”ning Andijonda joriy chempionatdagi ilk mag‘lubiyatiga ham munosabat bildirdi.

- Futbol shunday o‘yinki, yutqazmaydigan klubning o‘zi bo‘lmaydi. Manaman degan “Barselona” yoki “Real”dek klublar ham mavsum davomida mag‘lubiyatga uchraydilar. Uzoq davom etgan mag‘lubiyatsiz seriya intiho topganidan fojia yasamaslik kerak, - dedi Shota Yustinovich.

Tez orada Sports.uz saytida Arveladze bilan uyushtirilgan suhbatni o‘qishingiz mumkin.