Шота Арвеладзега хориждан таклиф бўлди. Мураббийнинг "Пахтакор"даги маоши маълум

Тошкентнинг "Пахтакор" клуби бош мураббийи Шота Арвеладзе фаолиятини Туркияда давом эттириши мумкин. Бу ҳақда Туркиянинг "Hurriyet" нашри хабар берди.

Манбанинг маълум қилишича, мамлакатнинг "Трабзонспор" клуби Арвеладзенинг хизматларига қизиқиш билдириб, унга таклиф юборган. Чунки ички чемпионатда жамоа "Истанбул Башакшеҳир" клубига имкониятни бой бериб қўйди. Бу эса, бош мураббий Эдди Ньютоннинг клубдаги фаолияти узоққа бормаслигини кўрсатди. Шунинг учун, "Трабзонспор" жамоада аввал ҳам ишлаган Арвеладзега ишонч билдирмоқчи.

Нашрда ёзилишича, грузиялик мутахассис "Пахтакор"да йилига 1.5 миллион евро маош олади.