Шохасан Мирзаматов: "Богдан Тошкентда “ухлаб қолади” ва мен янги камарни Ўзбек халқига совға қиламан!"

Таниқли ММА жангчимиз Шохасан Мирзаматов (16-4) Octagon лига чемпионлик камарини тортиб олишга тайёрлигини айтди.

"Чемпионлик жанги учун узоқ йўл босиб ўтдим. Ҳаётдаги турли вазиятлар уни қўлга киритишимга тўсқинлик қилди. Баъзи одамлар эса мени дивизионда кимдандир қўрқяпти деб ўйлашди, лекин октагонда ҳеч қачон қўрқувни ҳис қилмаганман. Рақибим Богданга маслаҳатим: қўлларни баландроқ кўтариб курашгани маъқул. Шунда унинг бошига зарба бериш қийин бўлади. Ўйлашимча, баҳс узоқ давом этмайди. Амалдаги чемпион Тошкентда “ухлаб қолади” ва мен янги камарни Ўзбек халқига совға қиламан!" - деди ҳамюртимиз.

Эслатиб ўтамиз, Шохасан Мирзаматов 2 апрель куни "Ҳумо Арена" мажмуасида бўлиб ўтадиган "Octagon 85" турнирида қозоғистонлик Богдан Пшебелскига (7-2) қарши ярим ўрта вазн чемпионлик камари учун жанг ўтказади.