Штайнер: "Верстаппенда энг тезкор машина йўқлиги унинг ўзига фойда"

"Хаас" жамоасининг собиқ раҳбари, ҳозирда эксперт Гюнтер Штайнер Формула-1нинг жорий мавсумидаги чемпионлик учун кураш ҳақида фикр билдирди.

"Ҳеч ким доимий равишда ҳукмронлик қила олмаслиги жуда яхши. Люис Хэмилтон неча йил ғалаба қозонди? "Мерседес"нинг етти-саккиз йиллик етакчилиги давомида мухлислар зерикиб қолишди. "Ред Булл" бир неча йил давомида устунликка эга эди ва энди "Макларен"нинг вақти келди.

Макс Верстаппенда энг яхши машина йўқлиги ва курашишига тўғри келиши унинг ўзи учун жуда яхши. Шундай қилиб, биз "Ред Булл"нинг максимал фойда олишга интилишларини кўришимиз мумкин. Макс жанг қилишни яхши кўради, агар унда бу йил ҳам доминант машина бўлганда, одамлар уни тезкор машина эвазига чемпион бўлган омадли йигит деб эслаб қолишар эди. Бу йил у энг яхши бўлмаган болидда 2 та пойгада ғолиб чиқди", - деди Штайнер YouTube’даги GPblog Nederland каналидаги видеода.