Шу футболчи билан ўйнолмадим! Зиданнинг ягона армони бор экан

Жаҳон футболи афсоналаридан юбўлган Зинедин Зидан футболчи сифатида бир орзуси ушалмай қолганини тан олди. Франциялик юлдуз ўз даврида “Манчестер Юнайтед” ярим ҳимоячиси Пол Скоулз билан ёнма-ён тўп тепа олмаганидан афсусда эканини билдирди. 

- Ҳамма ҳам энг зўр футболчилар билан бирга ўйнашни истайди. Мен учун Пол Скоулз ана шундай ўйинчилардан бири бўлганига шубҳа йўқ. Унинг ўйинларини кузатишдан доим завқ олганман. 

Скоулздек мукаммал ўйинчилар кам учрайди. Фаолиятим давомида Скоулздек ўйинчи билан бирга ўйнай олмаганим катта армон бўлиб қолди. У майдонда рақиб томонида эмас, сенинг жамоангда ўйнаши исталадиган ўйинчилардан, чунки бунақа футболчилар ҳар қандай вазиятда ҳам сенга муаммо туғдиришини биласан, - деди Зинедин Зидан. 

Таъкидлаш лозимки, Зинедин Зидан 2021 йилдан бери ишсиз юрибди. Ўшанда у “Реал” бош мураббийлигини тарк этган эди. Франциялик мутахассисга бир неча бор гранд клублардан таклиф билдирилган бўлса-да, у бирор чорловни қабул қилмади.