Шу юлдузни бизга бер! Европанинг энг кучли клубидан "Манчестер Сити"га қўнғироқ бўлди

«Реал» клуби ҳамон «Манчестер Сити» ярим ҳимоячиси Родри учун курашда ҳозирча асосий даъвогар сифатида кўрилмоқда. «Олтин тўп» соҳиби Мадрид клуби билан аллақачон оғзаки келишувга эришгани ҳақида хабарлар тарқалган. 

Шу билан бирга, журналист Фабрис Хокинснинг таъкидлашича, Родрига бошқа етакчи жамоалар ҳам жиддий қизиқиш билдиряпти.

Хокинснинг ёзишича, «Манчестер Сити» билан ПСЖ алоқа ўрнатган. Европа чемпионлар лигаси  чемпиони 30 ёшли Родрининг эҳтимолий трансфери шартлари билан қизиққан. Шунингдек, футболчини ўз сафида кўришни истаган клублар орасида «Барселона» ҳам бор.

Маълумотларга кўра, ПСЖ бу ёзда янги ярим ҳимоячи олишни режалаштирмаган эди. Бироқ француз чемпиони Родрининг «Манчестер Сити» билан тузган шартномаси бир йилдан сўнг якунланишини инобатга олган ҳолда бу вазиятни имконият сифатида кўрмоқда.