Шунчаки даҳшатли сумма! Англия суперклуби “Реал”га икки футболчи нархини айтди

Лондоннинг “Челси” клуби ўз етакчилари – англиялик Коул Палмер ва аргентиналик Энцо Фернандесни олмоқчи бўлган клубларга трансфернинг суммасини белгилади.

- “Челси”раҳбарияти Мадриднинг “Реал” клуби томонидан кучли қизиқиш фонида Коул Палмер ва Энцо Фернандес учун ҳайратланарли 280 миллион фунт стерлинг нарх белгилади.

“Аристократлар” буни аниқ баён қилди: бу ёзда улар ушбу суммадан паст таклифларни кўриб чиқмайди, - деб ёзди Topskills Sports UK нашри.

Эслатиб ўтамиз, “Челси” жорий Чемпионлар лигаси мусобақасида 1/8 финал босқичида Франциянинг ПСЖ жамоасига йирик ҳисобда ютқазиб, мусобақани тарк этган.

Англия Премьер-лигасида эса Лиам Росеньор жамоаси 31 ўйиндан кейин 48 очко билан 6-ўринда бормоқда.