Шупо-Мотинг бу кунни 6 йил кутди

Кеча Лиссабонда бўлиб ўтган “Аталанта” – ПСЖ (1:2) учрашувидан сўнг Чемпионлар лигасининг дастлабки ярим финалчиси номи аниқ бўлди.

Бу оқшом «Эштадиу да Луш» стадионида кечган баҳснинг сўнгги дақиқасида тўп киритган ва жамоасига ғалаба келтирган Эрик-Максим Шупо-Мотинг учун тарихий бўлди. Боиси, 31 ёшли камерунлик футболчи 6 йиллик танаффусдан сўнг, яна ЕЧЛда гол уришга муваффақ бўлди.

Шупо-Мотинг сўнгги марта 2014 йил “Шальке” сафида Чемпионлар лигасида дарвозани аниқ нишонга олган эди.