Симеона "Барселона"дан учралган мағлубиятга изоҳ берди

Испания Ла Лигасининг 30-туридан ўрин олган "Атлетико" — "Барселона" (1:2) учрашувидан сўнг мадридликлар бош мураббийи Диего Симеоне ўйин ҳақида фикр билдирди.

"Мен қизил карточка билан боғлиқ вазият ҳақида гапиришни истамайман. Биз 1:2 ҳисобида ютқаздик, шунинг учун айтган гапларимиз аҳамиятсиз. Келинг, фойдали жиҳатлар ҳақида гаплашайлик. Агар эпизод шунчалик аниқ бўлса, уни муҳокама қилишнинг ҳожати йўқ.

Биринчи бўлим жуда яхши ўтди. Биз яна битта гол уришимиз мумкин эди. Рақибда ҳам Ямалнинг зарбаси устунга тегди. Иккинчи бўлимда ёш футболчилар билан ва бир киши кам бўлган ҳолда ҳам муносиб ўйнадик. Жамоам ўйиндан мамнун қолди.

Энди Чемпионлар лигасидаги ўйинни кутяпмиз. Менимча, улар Кубокда қандай ўйнаган бўлса, яна шундай ўйнайди — уйда ташаббусни қўлга олиб, ҳужум қилишга ҳаракат қилади.

Жавоб ўйинида бизга қийин бўлганди. Улар бизга ўйлашга вақт бермаган, тўпни назорат қилишимизга ва хавфли вазият яратишимизга йўл қўймаган эди.

Нико билан боғлиқ эпизод камида сариқ карточкага тортарди. У вазиятга улгурмади. Менимча, бу тўғридан-тўғри қизил эмас, аммо иккинчи сариқ бўлиши керак эди. Умуман олганда, Нико яхши ўйин кўрсатди", — деди Симеоне.