Simona Xalep qiyin g‘alabaga erishdi

Ruminiyalik Simona Xalep Toronto shahrida ayollar o‘rtasida o‘tayotgan "Premera" turkumidagi musobaqani g‘alaba bilan boshladi.

Simona turnirning ikkinchi bosqichida amerikalik Jennifer Bredi bilan kuch sinashdi. Dastlabki setda 4:6 hisobida mag‘lub bo‘lgan Xalep, qolgan setlarda 7:5, 7:6 hisobida zafar quchdi.

Shu tariqa "Rogers Cup"ning uchinchi davrasida S.Xalep rossiyalik Svetlana Kuznetsova, yoki xorvatiyalik Donna Vekichga qarshi kortga chiqadigan bo‘ldi.