Сирил Ган: "Том Аспиналл руҳий жиҳатдан заиф"

Франциялик UFC жангчиси Сирил Ган.собиқ чемпион Том Аспиналл ҳақида гапирди.

"Биз Аспиналлнинг руҳий заифлигини билардик. Буни тахмин қилган эдик. Жанглардан кейин ғалабаларни нишонлаши, тана тили – ҳаммаси шундан далолат берарди. Охир-оқибат, барчаси юзага чиқди.

Бу йигит ҳаддан ташқари кўп шикоят қилади. Кўзингга бармоқ тегди – тўхташга ҳаққинг бор. Агар оғриқни сезаётган бўлсанг, демак, муаммо бор. Аммо ахборот борасида қилган барча ишларингни уюштиришинг шарт эмас эди, чунки бу охир-оқибат ўзингга қарши ишлади. Биз бармоқларнинг кўзга тегишини кўрдик - буларнинг барчасидан спектакль уюштириш шарт эмас эди", - деди француз Зак Нанининг интервьюсида.

Эслатиб ўтамиз, Том Аспиналл кўзидаги жароҳат сабаб оғир вазндаги чемпионлик унвонидан воз кечди. Энди ушбу титул учун 14 ноябрь куни "UFC 334" турнирида Сирил Ган ва америкалик Жош Хокит баҳс олиб боради.