"Сити" - "Реал" учрашувининг энг яхши футболчиси маълум

Бироз аввал Европа чемпионлар лигаси ярим финалидан ўрин олган "Манчестер Сити" - "Реал" учрашуви бўлиб ўтди. Унда "шаҳарликлар" 4:3 ҳисобида рақибдан устун келди. 

Мезбонлар сафида Де Брюйне, Жезус, Фоден ҳамда Бернардо гол уришга муваффақ бўлди. "Қироллик клуби" таркибида Бензема дубль қайд этди. Шунингдек, Винисиус бир бора рақиб дарвозасини ишғол қилди. 

Қайд этиш лозим, Бернарду Силва ушбу ўйиннинг энг яхши футболчиси, дея эътироф этилди. У бугун битта голни ўз номига ёздириб қўйди ва "Сити"нинг ҳужумларида фаол иштирок этди.