"Сити" биринчи даврани 100 фоизлик натижа билан якунлади
Гвардиола ЕЧЛда ишга жиддий киришган кўринади.
УЕФА Чемпионлар Лигаси гуруҳ босқичининг 3-туридан ўрин олган "Манчестер Сити" - "Олимпиакос" учрашуви ўз якунига етди. Унда "шаҳарликлар" 3:0 ҳисобидаги ғалабага эришди.
Ушбу ғалаба орқали Гвардиола шогирдлари ҳисобидаги очколар 9 тага етди ва гуруҳнинг мутлақ етакчиси бўлиб турибди.
- 90+
Ўйиннинг асосий вақтига 3 дақиқа қўшиб берилди.
- 90
ГОООООООООООООЛЛЛЛЛЛЛЛЛЛЛЛЛЛЛЛ!!! Канселу жарима майдони ташқарисидан аниқ ва кучли зарба йўллаб, ҳисобни йириклаштириб қўйди.
- 89
"Сити" хотиржам тарзда тўпни ўзида сақлаб турибди.
- 86
Де Брюйне ўрнига Нмека майдонга тушди.
- 85
Судани Вальбуэна ўрнига майдонга тушди.
- 82
Уокер ва Стерлинг ўрнига Канселу ва Бернарду майдонга тушди.
- 81
ГООООООООООООЛЛЛЛЛЛЛЛЛЛЛЛЛЛЛЛЛ!!! Жезус ҳисобни 2:0 кўринишига олиб кеиб қўйди.
- 78
Жезуснинг зарбаси йўлини ҳимоячилар тўсиб қола олди.
- 76
Эль-Араби ўрнига Хассан майдонга тушди.
- 76
Стерлинг ҳужумда фол ишлатди.
- 74
Яна меҳмонлар фаоллашди.
- 71
Де Брюйненинг зарбаси анча ноаниқ кетди.
- 71
Юнонларнинг кетма-кет иккита узатмаси жарима майдонидагиларга етиб бормади.
- 69
Жезус Маҳрез ўрнида ҳаракат қилади. Родри эса Фоденнинг ўрнини тўлдиради.
- 66
"Сити" яна олдинга бормоқда. Меҳмонлар маълум бир дақиқалардагина фаоллик кўрсатмоқда.
- 63
Стерлингнинг узатмасини дарвозабон ушлаб олди. Офсайд ҳам бор экан.
- 61
Эдерсон рақибнинг яқин масофадан йўллаган зарбасини қайтаришга эришди.
- 58
Ферран ҳужумда анча фаол.
- 55
"Сити" тўпнирақибга бермаяпти.
- 52
Фоден рақибга шундоққина тўпни ташлаб берди. Унинг бахтига, ҳужумчи аниқ зарбага тайёр эмас экан. Бўш дарвоза ишғол қилинмади.
- 51
Фоденнинг зарбаси кучсиз чиқди.
- 48
Меҳмонларнинг бурчак узатмаси зарба билан якунланмади.
- 46
Рандьелович ўрнига Брюма, Бухалакис ўрнига эса Пепе майдонга тушди.
- 46
Иккинчи тайм бошланди.
- 45
Танаффус.
- 45+
Биринчи таймга 1 дақиқа қўшиб берилди.
- 43
Сўнгги дақиқаларни "Сити" тўп назорати билан ўтказмоқда. Ҳисобда олдинда бораётганини инобатга олсак, бу тушунарли.
- 40
"Олимпиакос" стандартдан ҳеч нарса чиқара олмади.
- 38
Стерлинг тепган тўп рақиб ҳимоячиларга тегиб, майдонни тарк этди.
- 36
"Олимпиакос" ҳужуми офсайд сабаб тўхтатилди.
- 34
Ўйин майдон марказига кўчди. Жамоалар яккакурашларга бой футбол кўрсата бошлади.
- 32
Стерлингнинг голи офсайд сабаб ҳисобга олинмади.
- 30
Торреснинг бош билан берган зарбасига куч ва аниқлик етишмади.
- 28
Стерлинг зарба бериш ва пас бериш ҳақида кўп ўйлади.
- 26
Грекларнинг ҳужумлари самара бермади. Мезбонлар яна тўп билан.
- 23
"Олимпиакос" фаоллашди. Тўп назоратини сўнгги дақиқада ўз қўлида ушлаб турибди.
- 21
"Олимпиакос" ҳужумга чиқа бошлаяпти.
- 19
Стерлингнинг узатмаси жарима майдонига ўтмади. Рафинья ҳимояда ишончли ўйнади.
- 18
Эдерсон ўз вақтида тўпга чиқиб келиб, рақиб ҳужумини қайтарди.
- 16
"Олимпиакос" прессингда пассив ҳаракат қилмоқда.
- 14
"Олимпиакос" энди олдинга боришга мажбур бўлади.
- 12
ГОООООООООООЛЛЛЛЛЛЛЛЛЛЛЛЛЛЛ!!! Кетма-кет ҳужумлар ниҳоят фойда келтирди. Торрес Де Брюйненинг узатмасидан сўнг, ҳисобни очди.
- 12
Меҳмонлар ҳозирча тўпни яхши узоқлаштирмоқда.
- 10
"Сити"нинг ҳужуми зарбагача етиб бормади.
- 8
Дарвозабонь ва ҳимоячининг хатосидан Стерлинг фойдаланиб кетиши мумкин эди. Аммо сўнгги паллада дарвозабон тўпни ундан олиб қўйди.
- 7
Греклар жарима майдонида юзага келаётган вазиятлар тобора кескинлашиб бормоқда.
- 5
"Ман. Сити" бурчак зарбасини муваффақиятли амалга ошира олмади.
- 4
Сиссе жарима майдонига узатилган тўпни майдон ташқарисига чиқариб юборди.
- 4
"Сити" рақиб ярим майдонида тўпни назорат қилиб, пайт пойламоқда.
- 2
Фоденнинг жарима майдонига узатган тўпи ноаниқ чиқди.
- 2
"Сити" "тики-така"сини бошлаб юборди.
- 1
Ўйин бошланди.
- 0
Жамоалар майдонга тушиб келишмоқда.
- 0
Ассалому алайкум, азиз футбол ихлосмандлари. УЕФА Чемпионлар Лигаси 3-туридан ўрин олган "Манчестер Сити" - "Олимпиакос" ўйини бошланмоқда. Ушбу ўйинни Абдулвосид Валихонов матнли трансляция усулида эътиборингизга ҳавола этади.
Изоҳлар (0)