"Сити" икки супер ҳужумчи ва янги дарвозабонини оммага таништирди

"Манчестер Сити" клуби янги келган футболчиларининг тақдимот маросимини ўтказди. Қизиғи, жамоага келиб қўшилган 3 нафар  футболчининг таништирув маросими бир пайтда ташкил қилинди. 

Унга кўра, ҳужумчилар Эрлинг Холанд ҳамда Хулиан Альварес, шунингдек, дарвозабон Штефан Ортега "Этиҳад"да оммага таништирилди. 

Жанубий америкалик голеадор "Сити" сафида 19, дарвозабон Штефан Ортега эса 18-рақам остида тўп тепади. Норвегиялик Холанд янги жамоасида ҳам 9-рақам эгасига айланди.