“Сити” рақиби “Арсенал” ололмаган вундеркиндни илиб кетмоқчи

Журналист Бен Жейкобснинг маълум қилишича, “Манчестер Сити” клуби қуйи лига вакили “Лестер”нинг 16 ёшли иқтидорли вингери Жереми Монгани қўлга киритишга жуда яқин.

Аввалроқ, бу вундеркинд учун курашда “Арсенал” асосий фаворит ҳисобланарди. Бироқ, лондонликлар ёш футболчи трансфери бўйича “Лестер” билан келиша олмади.

Жереми Монганинг ўзи эса, фаолиятини “Манчестер Сити”да давом эттиришни танлади ва бу клуб таклифига розилик берди.

Энди “шаҳарликлар” трансферни охирига етказиш учун “Лестер” клуби раҳбарияти билан ҳамкорликнинг охирги тафсилотларини келишиб олиши қолди холос.

Трансфер баҳоси 10 миллион фунт стерлингдан (тахминан 12 миллион евро) ортиқ бўлиши кутилмоқда.

Ўтган мавсум якунига кўра “Лестер” клуби Чемпионшипдан ҳам қуйи лигага тушиб кетган.