"Сити" стартни ишончли ғалаба билан бошлади

Англия Премьер-лигаси 2-туридан ўрин олган сўнгги беллашув "Вулверхэмптон" ва "Манчестер Сити" жамоалари ўртасида кечди. Унда меҳмонлар 3:1 ҳисобида ғалаба қозонишди. 

"Шаҳарликлар" футболчилари Де Брюйне, Фоден ва Жезус киритган голларга мезбонлардан Хименес бир маротаба жавоб қайтарди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  ГОООООООООООООООЛЛЛЛЛЛЛЛЛ!!! Жезуснинг голи амалда барчасига нуқта қўйди. Рекашет Патрисиуга ҳалақит берди.

• 90+'

  Жезуснинг жарима майдони ташқарисидан берган зарбасини Патрисиу қайтаришга эришди.

• 90+'
  

  Учрашув асосий вақтига 4 дақиқа қўшиб берилди.

• 89'

  Невешнинг узатмасини ҳимоячилар майдон ташқарисига чиқариб юборишди.

• 87'

  Вилли Болининг бош билан берган зарбаси ноаниқ кетди.

• 86'
  

  Родрига сариқ карточка.

• 82'
  

  Поденс тиббий ёрдам олмоқда.

• 82'
  

  Стерлинг ўрнига Ферран Торрес майдонга тушмоқда.

• 78'
  

  ГООООООООООООООЛЛЛЛЛЛЛЛЛЛЛЛ!!! Хименес Поденсенинг супер узатмасидан сўнг ҳисобни қисқартирди. Бош билан берилган зарба Эдерсон учун қайтариб бўлмас даражада эди.

• 78'
  

  Яқиндагина "бўрилар" сафини тўлдирган Фабиу Силва Педру Нету ўрнига майдонга тушди.

• 77'
  

  Моутиньо ўз ўрнини Дендонкерга бўшатиб берди.

• 74'

  Поденсенинг узатмасидан сўнг Хименес ҳимоячилардан қочиб кета олмади.

• 71'
  

  Жезус офсайдда қолиб кетди.

• 68'

  "Сити" ўз голларига ишонган ҳолда хотиржам тўп назоратини амалга оширмоқда.

• 65'

  Невешнинг навбатдаги узатмасини ҳимоячилар ўтказмади.

• 63'

  Фернандиньо ҳам қулай имкониятга эга бўлди. Унинг зарбаси ноаниқ кетди.

• 61'

  Поденс тўпни ўзига бўйсундира олмади. Акс ҳолда, у ҳисобни очиб қўйиши мумкин эди.

• 60'

  Хименес ҳам жуда қулай вазиятдан фойдалана олмади.

• 59'

  Поденс тўпни Эдерсоннинг устидан ошириб қўймоқчи эди. Салгина кучли тегиниб қўйган экан.

• 56'

  Невешнинг зарбасини ҳимоячилар қайтарди. Поденс тўпни ўтказиб юбормаслиги керакмиди?!

• 54'

  Поденсенинг айланиб олиб берган зарбаси ноаниқ кетди.

• 53'
  

  Патрисиу Жезуснинг зарбасини ушлаб олди.

• 52'

  Тайм аввалида "Вулвс" фаоллашди.

• 49'

  Де Брюйненинг узатмасини Патрисиу ушлаб олди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи бўлимга 2 дақиқа қўшиб берилди.

• 44'

  Родрининг зарбаси хавфли траектория олди. Салгина ноаниқ.

• 43'
  

  Де Брюйне бирга-бир вазиятда Патрисиу дарвозасига гол ура олмади. Португалиялик посбон сейв намойиш этди.

• 41'

  Хименеснинг бош билан берган зарбаси ноаниқ чиқди.

• 39'

  Фоденнинг яна бир зарбаси ноаниқ кетди.

• 35'
  

  Менди Траорени йиқитгани учун огоҳлантирилди.

• 35'
  

  Жезус сариқ карточка олди.

• 32'
  

  ГОООООООООООООООЛЛЛЛЛЛЛЛЛЛЛ!!! Стерлингнинг пасини Фоден шунчаки дарвозага тўғрилаб юборди.

• 30'

  Стерлингнинг ўткир бурчакдан берган зарбасини Патрисиу ушлаб олди.

• 27'

  "Сити" эрта прессинг уюштириб, марказдаёқ тўпни олиб қўймоқда.

• 25'

  Де Брюйненинг узатмаси Стерлинг учун бироз кучлилик қилди. Раҳим тўпга ета олмади.

• 24'

  Ўз услубига мувофиқ "шаҳарликлар" тўпни рақибга бермаяпти. Ўз навбатида, "бўрилар" ҳам бунга қарши эмас.

• 22'
  

  Де Брюйне бу сафар бурчак зарбаси ишлади. Уни тўхтатиш осон кечмаяпти.

• 20'
  

  ГООООООООООЛЛЛЛЛЛЛ!

  Нуқтага жабрланувчининг ўзи яқинлашди ва бехато зарба йўллади.

• 19'
  

  Де Брюйнени Саисни пенальти ишлашга мажбур эта олди.

• 15'

  Траоренинг ўнг қанотдан уюштирган рейди хавфли чиқди. Узатма эса ўхшамади.

• 12'

  Пеп шогирдлари ҳамон тўп билан.

• 10'
  

  Де Брюйненинг жаримадан йўллаган зарбасини Патрисиу қайтарди.

• 8'
  

  Марсал ўрнига Винагре майдонга тушди.

• 6'

  "Сити" майда пасларни бошлаб юборди.

• 2'

  Стерлинг жарима майдони ичида йиқилди. Ҳакам пенальти йўқ деб айтди.

• 1'
  

  Ўйин бошланди.

• 0'

  Жамоалар майдонга тушиб келишди.

• 0'

  АПЛ иккинчи турининг яна бир марказий ўйини старт олмоқда.

• 0'

  Асаалому алайкум, азиз футбол мухлислари.