"Сити"да гол урадиган футболчи қолмаяпти

Ўтган мавсумнинг охирида тиззасидаги жароҳати туфайли “Манчестер Сити”га ёрдам бера олмаган Серхио Агуэро ҳали сафга қайтмай туриб, Гвардиола яна бир асосий ҳужумчиси Габриэл Жезусдан ҳам айрилди.

Бразилиялик футболчи Англия премьер-лигасининг “Вулверхэмптон”га қарши учрашувида шикастланган эди. Энди бу жароҳат жиддий бўлиб чиқди ва ҳужумчи камида бир ой майдонга туша олмайди.

Бразилия терма жамоасиам2022 йилги жаҳон чемпионати саралаш турнири ўйинларига таклиф этилган футболчилар рўйхатидан Жезусни чиқариб ташлашга мажбур бўлди. Унинг ўрнига ҳужумда Неймарга ёрдам бериш учун “Герта” вакили Матеус Кунья таклиф этилди.