Скалони: "Месси ҳақида гапирадиган гап қолмади"

Аргентина финалга йўлланмани қўлга киритган учрашувда Месси ҳисобни очувчи голни киритди ва битта ассист ҳам амалга оширди. Ўйиндан кейин бош мураббий Лионель Скалони футболчи ҳақида гапирди.

"Баъзида биз аргентиналик бўлганимиз учун Мессини энг зўри дейишимиз мумкин, лекин мен унинг даражасига шубҳа қилмайман. У ҳар сафар майдонда ҳаракат қилганида жамоадошларига катта мотивация бўлади. Месси ҳақида айтадиган гап қолмади", деди 44 ёшли мутахассис.

"Буни сўз билан ифодалаш қийин. Бу аргентиналик сифатида доимо орзу бўлиб келган нарса. Халқимиз бизни қандай қўллаб-қувватламоқда. Биз тарих яратмоқдамиз", - дея қўшимча қилди Скалони.