Sky Sport Italia: "Наполи" яқин соатлар ичида Хамеснинг трансферини эълон қилади
Мадриднинг "Реал" клуби ярим ҳимоячиси Хамес Родригес фаолиятини "Наполи"да давом эттиради. Бу ҳақда Sky Sport Italia нашри хабар тарқатмоқда.
Юқоридаги манбаага кўра неаполликлар 27 ёшли колумбиялик футболчининг трансферини бугун расман эълон қилишлари мумкин. А Серия клуби Хамесни кейинчалик 35 млн еврога сотиб олиш ҳуқуқи билан 2020 йилнинг ёзига қадар ижарага олади. Унинг ўзига эса йилига 5 млн евро маош тўлайди.
Эслатиб ўтамиз, Хамес сўнгги икки мавсумни “Бавария” сафида ижарада ўтказди. У якунланган мавсум 28та ўйинда майдонга тушиб, 7та гол ҳамда 6та голли узатмага муаллифлик қилди.
Фикрлар