Слот: Гвардиолага ҳеч кимнинг раҳми келмасин!

Англия Премьер-лигасининг 13-турида “Ливерпуль” ўз майдонида амалдаги чемпиони “Манчестер Сити”ни 2:0 ҳисобида енгиб, жамоалар жамғарган очколар ўртасидаги фарқни 11 тага етказиб олди.

Ливерпулликлар бош мураббийи Арне Слот еттита ўйиндан бери ғалаба нималигини билмай келаётган Хосеп Гвардиолага ачиниш шарт эмаслигини, испаниялик мутахассис ҳамон жамоаси билан хавф туғдириши мумкинлигини таъкидлади.

- Сиз ҳақиқатан ёмон аҳволга тушиб қолган, жуда кўп учрашувларни ютқазган, мусобақа жадвалининг қуйи қисмига тушиб қолган мураббийларга ачинишингиз мумкин. Лекин Гвардиолага эмас. Пеп кўп нарса юта олишини аввал ҳам исботлаб қўйган.

Премьер-лига тақдири мавсумнинг биринч ярмида ҳал бўлмайди. Ўтган чемпионатда “Арсенал” февраль ойига бориб, таъқибчилардан саккиз очкога илгарилаб кетган эди. Шу боис, ҳеч кимнинг Гвардиолага раҳми келмасин. У ҳали “Манчестер Сити”ни чемпионлик учун курашга қайтаради, - деди Арне Слот.