Слот мағлубиятларга ва таркибдаги ўзгаришларга изоҳ билдирди

"Ливерпуль" клуби бош мураббийи Арне Слот таркибдаги ўзгаришларга изоҳ берди.

"Барча топ жамоаларда 11 нафардан ортиқ ўйинчи бор. Ёзги харидлардан сўнг, ҳатто кетма-кет еттита ғалаба қозонганимизда ҳам ўсишимиз кераклигини ҳис қилдим. Кейин тўртта ўйинда ютқаздик, шундан учтаси сафарда бўлди. Таркиб ўзгарганда бу нормал ҳолат. Биз биргаликда ўз ўйинимизни ривожлантириш йўлини топишимиз керак", - деди нидерландиялик мутахассис матбуот анжуманида.

Эслатиб ўтамиз, "Айнтрахт"га қарши сўнгги ўйинни Муҳаммад Салоҳ ва Алексис Макаллистер захира ўриндиғида бошлаган эди.

25 октябр, шанба куни "Ливерпуль" Англия чемпионатида "Брентфорд" меҳмони бўлади.