Слот: "МЮ билан ўйин бутун дунё томоша қиладиган баҳс бўлади"

"Ливерпуль" бош мураббийи Арне Слот "Манчестер Юнайтед"га қарши учрашувнинг аҳамияти ҳақида фикр билдирди. Ушбу жамоалар 19 октябрь куни АПЛнинг 9-туридан ўрин олган баҳсда куч синашади.

"АПЛда ҳар бир ўйинни интиқлик билан кутаман, лекин "Манчестер Юнайтед"га қарши баҳс бошқача бўлиши аниқ. Бу ўйин нақадар махсус эканини яхши биламан.

Бу, эҳтимол, бутун дунё бўйлаб энг кўп томоша қилинадиган баҳслардан бири. Шунинг учун унинг бир қисми бўлиш — жуда ёқимли. Биз майдонда қўлимиздан келган барча нарсани кўрсатишимиз шарт.

"Манчестер Юнайтед"нинг мавсум бошидаги ўйинлари жадвалдаги мавқеидан яхшироқ кўриниш бермоқда. Шу боис, бу ўйин қизиқарли кечади. Айниқса, "Энфилд"да бўладигани билан янада муҳими.

Бизга мухлислар ҳар доим ишонган — мен келганимдан анча аввалдан. Улар жамоа кетма-кет уч ўйинда мағлуб бўлганини билади, шунинг учун биз тайёр бўлишимиз керак. Улар ёрдам беришади — мен бунга ишонаман", – дея бўлажак ўйинни тасвирлаб ўтди мерсисайдликлар мутахассиси.