Слот: "ПСЖ бу мавсум биз тўнқаш келган энг яхши жамоа ҳисобланади" (Тўлиқ матбуот анжумани)

"Ливерпуль" бош мураббийи Арне Слот УЕФА Чемпионлар Лигасининг 1/8 финалидан ўрин олган ПСЖга қарши ўйиндан аввал матбуот анжуманида қатнашди ва журналистларни қизиқтирган саволларга жавоб берди.

"Бу ўйиндан кейин финалгача узоқ йўл мавжуд. Агар биз 1/4 финалга ўтадиган бўлсак, "Брюгге" ёки "Астон Вилла" билан ўйнаймиз. Сўнг бизни "Арсенал" ёки Мадрид жамоаларидан бири кутиб турган бўлади. Гарчи бу ҳақида гапиришга эрта бўлса ҳам, биз финалда ўйнаш учун етарлича салоҳиятга эгамиз.

ПСЖнинг ушбу мавсумдаги ўйинларидан ажабланмадим. Мен уларнинг кўплаб ўйинларини томоша қилдим ва улардаги интенсивлик мени ҳайрон қолдирди. Улар ўтган ўйинда ақлбовар қилмас даражада ўйин намойиш этди, буни ҳамма гапирди. Бироқ, биз ҳам яхши ўйнай оламиз. Ўтган чоршанба куни яхши жамоа эканлигимизни кўрсатган эдик ва эртага ҳам буни исботлашга ҳаракат қиламиз.



ПСЖнинг айрим футболчилари бизга қараганда "Арсенал" ва "Бавария" жамоалари кучли эканлиги тўғрисидаги фикрларини ўқидим. Лекин шу 2-3 ой ичида улар кучайишди ва мазкур ўйинларни меҳмонда ўтказишди. Мен ҳар иккала ўйинни томоша қилдим ва ҳозирги ПСЖ ўша вақтдаги ПСЖга қараганда кучлироқ. Улар ўзгартирган энг асосий жиҳат — бу бутун майдон бўйлаб прессинг қилишда бўлди. Уларнинг фикрини муҳокама қилмайман. Аммо эртага улар фикрини ўзгартиришига умид қиламан.

"Пари Сен-Жермен" биз бу мавсум тўқнаш келган жамоалар орасида энг баланслашган жамоа ҳисобланади. Лекин биз эртага ўзимизнинг энг яхши формамизни кўрсатишимиз керак. Ҳеч кимга ҳеч қандай мотивация керак эмас. Бу Чемпионлар лигасининг плей-офф ўйини, Европанинг энг яхши иккита жамоаси тўқнашуви. Мухлисларга ҳам, футболчиларга ҳам, мураббийларга ҳам қўшимча мотивациянинг кераги йўқ. Бизни навбатдаги муҳим ўйин кутмоқда" - деди мерсесайдликлар мутахассиси.