Слот учун муҳим кунлар! Мураббийга берилган имкониятлар тугаб бормоқда...

Мавсумни кетма-кет ғалабалар билан бошлаган "Ливерпуль" сўнгги 14 та ўйинда 3 та ғалабани қўлга киритди. Шунингдек, бир дуранг ва 10 маротаба мағлубиятга учраган жамоа АПЛ турнир жадвалида 8-ўринга жойлашган. Шу вақтгача Арне Слот атрофида чиққан хабарларда раҳбарият мураббийга ишонч билдираётгани маълум қилиниб келинди. Аммо сабрнинг ҳам якуни бўлади. 

Ўтган ҳафтада клуб вакиллари ва Слот ўртасида учрашув бўлиб ўтганди. "Ливерпуль" Премьер-лиганинг 14-турида "Сандерленд" билан дуранг ўйнади.  Агарда жамоа "Лидс"га қарши учрашувда ҳам ғалаба қозона олмаса, навбатдаги фавқулотда йиғилиш ўтказилади.

Маълум бўлишича, Слотнинг тактикани ўзгартириб туриши ва аниқлик йўқлиги катта футболчиларга ёқмаяпти. Мухлисларнинг тоборо жаҳли чиқмоқда ва клубдаги босим кучайиб боряпти. Слот учун кейинги кунлар жуда муҳим бўлиб қолмоқда, дея хабар бермоқда "indykaila News" нашри.