Снейдер машғулотларни бошлаб юборди

Голландиялик машҳур ярим ҳимоячи Уэсли Снейдер тез орада яна катта футболга қайтмоқчи.

RTV Utrect тарқатган хабарга қараганда, 36 ёшли футболчи спорт формасини тиклаш мақсадида 5-дивизион клубларидан бирида шуғулланишни бошлаб юборган.

Эслатиб ўтамиз, бундан аввалроқ Снейдер ўзи туғилган Утрехт шаҳрининг “Утрехт” клуби сафига қўшилиши ҳақида турли хабарлар тарқалган эди.

Снейдернинг сўнгги жамоаси Қатарнинг “Ал-Гарафа” клуби бўлган. У 2019 йилда фаолиятини якунлаган эди.