Собиқ жаҳон чемпиони "Мерседес"нинг ёш пойгачисини қаттиқ танқид қилди

Формула-1нинг собиқ чемпиони Жак Вилнёв "Мерседес"нинг 19 ёшли пилоти Андреа Кими Антонеллининг Нидерландия Гран-присидаги ҳаракатлари ҳақида яна бир бор гапирди. Италиялик пойгачи қувиб ўтишга уринган "Феррари" ҳайдовчиси Шарль Леклер билан тўқнашиб кетди. Натижада, Леклер пойгани давом эттира олмади, Кими эса катта жаримага тортилди.

"Мен ўз сўзимда юз фоиз тураман. Қайси сайёрада у бурилиш ясаб, Леклер билан тўқнашмайди, деб ўйлаганди? Бу пойга юриши эмас, балки жуда ҳаваскорона манёвр", - дея Вилнёвнинг сўзларини келтирди Crash.net.

"Мерседес" пойгачиси Андреа Кими Антонелли Нидерландия Гран-присини 16-ўринда якунлади. Пойга ғолиби Оскар Пиастри бўлди.