Сон "Тоттенхэм" билан хайрлашар экан, ижтимоий тармоқ орқали мухлислар ва жамоага самимий мурожаат йўллади

Жанубий кореялик юлдуз Сон Хён Мин "Тоттенхэм" мухлислари билан ижтимоий тармоқлар орқали хайрлашди. Аввалроқ, Лондон клуби унинг "Лос-Анджелес"га ўтганини расман эълон қилган эди.

"Қандай сўз топиш мумкин? Билмайман. Бир неча кун ўйладим. Буни ифода қилиш имконсиз. Лекин бу лаҳза етиб келди. Мен "Тоттенхэм Хотспур" билан хайрлашишимга тўғри келмоқда – бу клуб сўнгги ўн йилда менинг уйим бўлди.

2015 йилда бу ерга келганимда инглиз тилини билмасдим, Лондонни танимасдим, лекин сизлар мени очиқ қўллар билан қарши олдингиз, менга ишондингиз ва барча қийинчиликларимда қўллаб-қувватладингиз. Мен фақат орзулари катта бўлган Кореялик бола эдим. Энди эса 10 йилдан кейин Шимолий Лондон абадий қалбимда қолади.

Бу ерда мен умрбод дўстлар топдим, клуб сардорига айландим, ҳатто болага оталиқ қилдим. Бу клубга қалбим ва жонимни бағишладим. Шу боис, бу қарор мен учун ҳаётимдаги энг оғир қарор бўлди.

Мен кетадиган бўлсам, ўз истагим билан, фахр ва шараф билан кетаман деб ўйлаган эдим. Дебютим – ажойиб бўлган, Пушкаш мукофоти – зўр, "Олтин бутса" – шараф, лекин Бильбаода Лига Европа ғалабаси – умрбод хотира. Бу лаҳза, бу ғалаба – ҳаётимиз охиригача бирга бўлади.

Барчага – мухлисларга, клуб ходимларига, устозларимга, мен билан машғулотларда, сафарларда, ўйинларда бирга бўлган барчага – қалбимдан миннатдорлик билдираман.

Умид қиламанки, мен сизларни фахрлантира олдим", – деб ёзади Сон Хён Мин.