SPORTS.UZ мухбири Юрий Белоус билан қўнғироқлашди

Миллий терма жамоамиз яқинда Валерий Карпин бошқарувидаги Россия термасига қарши ўртоқлик ўйинида майдонга тушади.

Шу муносабат билан бўлажак ўйин ҳақида суҳбатлашиш мақсадида Sports.uz журналисти Шуҳратбек Жўраев россиялик таниқли футбол мутахассиси – Юрий Белоус билан қўнғироқлашди.

62 ёшли Юрий Викторович Россия премьер-лигасида бир қанча клублар президенти сифатида ишлаган ва ҳозирда у ўзининг компаниясига эга бўлиб, иқтидорли ёшларни Россия клубларига жалб қилиш билан шуғулланади. Маълумот учун, Жасур Жалолиддиновнинг “Локомотив” (Москва) клубига ўтишини ушбу мутахассис ташкиллаштирган.

Белоус бизнинг таклифимизга розилик билдирганидан кейин у билан бўлажак Ўзбекистон – Россия терма жамоалари ўртасидаги ўйин муҳокамаси, Элдор Шомуродов, Жасур Жалолиддинов ва яна бошқа долзарб масалаларда суҳбатлашдик. Айтиш мумкинки, у суҳбат давомида бир қанча муҳим гапларни ҳам айтди.

Яқин вақтлар ичида сайтимизда эксклюзив суҳбатни ўқийсиз. Бизни кузатишда давом этинг!