Стерлинг маошидан ташқари яна 112 млн евро ишлаб олиши мумкин

Спорт экипировкалари ишлаб чиқарувчи Puma компанияси “Манчестер Сити” форварди Рахим Стерлинг билан ҳамкорлик қилмоқчи.

Sky Sports тарқатган хабарга қараганда, томонлар ўзаро 10 йиллик шартнома имзолашга яқин туришибди. Агар ушбу келишув имзоланса, Стерлинг Puma’нинг энг қиммат футболчисига айланади ва 10 йилда 112 миллион евро ишлаб олиши мумкин.

Шу ўринда, Стерлинг ҳозир Nike компанияси ҳамкори эканини ҳам айтиб ўтиш лозим.

Puma "Манчестер Сити"нинг техник ҳамкори ҳисобланади. У аллақачон Александр Зинченко ва Серхио Агуэро каби футболчилари билан шартнома имзолашга ҳам улгурган.