"Сток Сити" бош мураббийида коронавирус аниқланди

"Сток Сити" клуби бош мураббийи Майкл О’Нилнинг коронавирусга қарши топширган тести мусбат натижа берган. Бу ҳақда клуб расмий сайти хабар тарқатмоқда.

Айтиш керакки, бундан аввал Майкл 5 марта тест топширган ва уларнинг барчаси манфий натижа берган эди. Энди у карантинга олинади ва мураббийлар штаби ҳамда футболчилар билан видеоалоқа орқали боғланиб туради.

Энди О’Нилнинг ўрнига жамоани унинг ассистенти Билли МакКинлай бошқариб туради.