Stol tennisi. Terma jamoamiz jamoaviy bahslardagi ishtirokini yakunladi

Qozog‘istonda o‘tayotgan stol tennisi bo‘yicha Osiyo chempionati qizg‘in davom etmoqda. Ortda qolgan kun qizlarimiz jamoaviy dasturdagi ishtiroklarini yakunlashdi.

Milliy Olimpiya qo‘mitasi matbuot xizmatining xabar berishicha, 11-14 pog‘onalar uchun kechgan bellashuvda hamyurtlarimiz dastlab mezbonlarni 3:2 hisobida mag‘lubiyatga uchratishdi. 11-o‘rin egasi aniqlangan bahsda Malayziya 3:1 hisobida g‘alaba qozondi va qizlarimiz mazkur yo‘nalishda 12-bo‘lishdi. Yigitlarimiz esa bugun 17-o‘rin uchun Shri-Lankaga qarshi o‘yin o‘tkazishadi. Shuningdek, kun davomida hamyurtlarimiz mikst va juftlik dasturlarida saralash bahslarini boshlashadi.

Kunning eng shov-shuvli yangiligi 14 yoshli eronlik stol tennischi Benyamin Faraji jamoaviy dasturda xitoylik jahon reytingi etakchisi Chutsin Vanni mag‘lubiyatga uchratgani bo‘ldi.