Student's Cup. Бугун финалда водий дербиси гувоҳи бўламиз!

Бугун Student's Cup Республика босқичининг ҳал қилувчи ўйинлари бўлиб ўтади. Дастлаб 3-ўрин учун баҳс, сўнг финал ўйини бошланади. 

3-ўрин учун кечадиган беллашувда Гулистон Давлат Университети талабалари Самарқанд Давлат Университети терма жамоасига қарши баҳс олиб боради. Учрашув 17:00 да бошланиши кўзда тутилган.

Финал эса икки водий олийгоҳлари ўртасида бўлиб ўтади. Унда Наманган Давлат Университети термаси Андижон Давлат Университети талабарига қарши саф тортади. Мазкур ўйин 18:00 да старт олади.