Суарес “Барселона” уни нега ҳайдаганини айтди

“Атлетико” ҳужумчисига айланган Луис Суарес “Барселона” раҳбарияти уни нега клубдан кетказгани сабабини айтди.

- Мени Мессидан узоқлаштириш учун клубдан кетказишди. Уларни Лео билан яқин дўст эканим ташвишга солаётган эди. Клубдагиларга Месси кўп вақтини мен билан ўтказаётгани ёқмади. Лекин бизнинг муносабатимиз клубга қандай зарар келтирганини топа олмадим. Кетган бўлсам ҳам, Месси билан дўстона алоқаларни давом эттиряпман, - деди Луис Суарес.

Месси ва Суарес “Барселона”да 2014 йилдан буён бирга тўп тепаётган эди. Жамоага Рональд Куман келганидан кейин ёши катта футболчилар қаторида Луис Суаресга ҳам чиқиш эшиклари очиб берилди.