Суарес энди Мессидан ҳам зўр!

Уругвай терма жамоаси ҳужумчиси Луис Суарес Жанубий Америка қитъасининг энг яхши тўпурарига айланди.

“Атлетико” ҳужумчиси бугун Венесуэла (4:1) терма жамоасига қарши кечган "ЖЧ-2022" саралаш учрашувида гол урди. Шу тариқа, у мундиал саралашларидаги голлари сонини 28 тага етказиб олди ва бу борада аргентиналик Лионель Мессидан (27) ўзиб кетди.

35 ёшли Суарес жорий мавсум "Атлетико" сафида жами 29 та ўйинда майдонга тушди ва 9 та гол ҳамда 2 та голли узатмага муаллифлик қилди. Унинг клуб билан амалдаги шартномаси мавсум якунида ўз ниҳоясига етади.