Суарес: Месси билан ҳали-ҳамон кўп гаплашамиз

Ёзги трансферлар ойнасида "Барселона"дан "Атлетико" таркибига бориб қўшилган Луис Суарес "Marca" нашрига берган интервьюси мобайнида оилавий яқин дўсти ҳисобланган Месси билан муносабатлари ҳақида гапириб ўтди:

"Очиғини айтадиган бўлсам, биз жуда кўп гаплашамиз. Кўпроқ оилавий ҳаётимиз ҳақида суҳбатлашамиз. 

Яқинда фарзандим туғилган кунини нишонлади. Леонинг ўғли ҳам шу ойда туғилганди. Биз оила, ҳаёт, вирус ҳақида кўпроқ сўз юритамиз. Аммо футбол ҳақида жуда кам. Асосан, ура олмаган голларимиз, тактик схемалар бўйича қисқа мулоҳазаларимизни алмашиб оламиз. Биз оиламиз ҳақида футболдан кўра кўпроқ қайғурамиз", - деди Суарес.