Suares Messidan o‘zib ketdi

Urugvay terma jamoasi hujumchisi Luis Suares bugun tongda bo‘lib o‘tgan Chiliga qarshi o‘yinda akrobatik tarzda gol urdi. U bu goli orqali jamoasining 2:0 hisobidagi g‘alabasiga katta hissa qo‘shdi. 

Shuningdek, Luis ushbu gol orqali Janubiy Amerikada JCh saralash uchrashuvlarida eng ko‘p gol urgan futbolchiga aylandi. Bu borada u argentinalik Lionel Messini ortda qoldirdi. 

Messi hisobida 28 ta gol mavjud edi. Suares va Messidan keyingi 3-o‘rinda boliviyalik Marselo Martins ketmoqda. U saralash o‘yinlarida 22 gol urishga muvaffaq bo‘lgan.

Kuchli beshlikdan yana bir argentinalik Ernan Krespo va Chili vakili Aleksis Sanches o‘rin olgan. Ularning ikkalasi ham 19 bora raqib darvozasini ishg‘ol qilgan.