Суарес Мессидан ўзиб кетди

Уругвай терма жамоаси ҳужумчиси Луис Суарес бугун тонгда бўлиб ўтган Чилига қарши ўйинда акробатик тарзда гол урди. У бу голи орқали жамоасининг 2:0 ҳисобидаги ғалабасига катта ҳисса қўшди. 

Шунингдек, Луис ушбу гол орқали Жанубий Америкада ЖЧ саралаш учрашувларида энг кўп гол урган футболчига айланди. Бу борада у аргентиналик Лионель Мессини ортда қолдирди. 

Месси ҳисобида 28 та гол мавжуд эди. Суарес ва Мессидан кейинги 3-ўринда боливиялик Марсело Мартинс кетмоқда. У саралаш ўйинларида 22 гол уришга муваффақ бўлган.

Кучли бешликдан яна бир аргентиналик Эрнан Креспо ва Чили вакили Алексис Санчес ўрин олган. Уларнинг иккаласи ҳам 19 бора рақиб дарвозасини ишғол қилган.