Суперлига: 27 апрель кунги 2 та ўйин жонли, 1 таси эса ёзиб олинган ҳолда намойиш этилади

Ушбу ҳафта якунида Суперлигада 6-тур учрашувлари бўлиб ўтади.

27 апрель санасидан 3 та учрашув ўрин олган бўлиб, Профессионал футбол лигаси мазкур ўйинларнинг 2 таси жонли эфирда намойиш этилишини таъминлаш мақсадида "Спорт" телеканали ва клублар билан келишиб, “Локомотив” — “Қизилқум” баҳси бошланиш вақтинини 2 соат эртароқ этиб белгилади. Бу ҳақда ташкилот матбуот хизмати хабар берди. 

Шу тариқа, “Локомотив” — “Қизилқум” ҳамда “Сўғдиёна” — “Пахтакор” ўйинлари жонли эфирда, “Металлург” — “Қўқон-1912” учрашуви эса ёзиб олинган ҳолда Спорт ТВ орқали намойиш этилади.

Таъкидлаш жоиз, “Локомотив” — “Қизилқум” ўйини аввалроқ соат 19:35да ўтказилиши кўзда тутилган эди.

27 апрель, шанба

17:30 ЛОКОМОТИВ — ҚИЗИЛҚУМ (жонли эфир)

18:30 МЕТАЛЛУРГ — ҚЎҚОН-1912 (ёзиб олинган ҳолда кўрсатилади)

19:35 СЎҒДИЁНА — ПАХТАКОР (жонли эфир)